Bharat Sandesh Online::
Translate to your language
News categories
Usefull links
Google

     

ਸੁਨਾਮੀ ਦੀ ਤਬਾਹੀ
13 Nov 2011



1
 ਪਰਲੋ ਦੀ ਇਹ ਦਰਦ ਕਹਾਣੀ, ਇਸ ਦਾ ਪਾਰਾਵਾਰ ਨਹੀਂ ਹੈ ।
 ਇਹ ਹੈ ਦੁੱਖੜਾ ਸ੍ਰਬਨਾਸ਼ ਦਾ, ਇਸ ਦਾ ਅੰਤ ਸ਼ੁਮਾਰ ਨਹੀੰ ਹੈ ।    
2
 ਏਸ ਅਫਾਤ ਦੇ ਵਹਿਣਾਂ ਅੰਦਰ, ਵਹਿ ਗਏ ਲੱਖਾਂ  ਕੱਖਾਂ ਵਾਂਗੂੰ ,           
 ਕਿਸ ਥਾਂ ਹੋਇਆ ਨਹੀਂ ਉਜਾੜਾ, ਹੋਇਆ ਕੀ ਸੰਘਾਰ ਨਹੀਂ ਹੈ ।    
3
 ਮੁਰਦੇਹਾਣੀ ਛਾਈ ਹਰ ਥਾਂ, ਸੋਗ ਦੀ ਘੋਰ ਵੀਰਾਨੀ ਅੰਦਰ,            
 ਕਿਹੜੇ ਥਾਂ ਦਾ ਮਲਬਾ ਜਿੱਥੇ,  ਲੋਥਾਂ ਦੀ ਭਰਮਾਰ ਨਹੀਂ ਹੈ ।
4
 ਵਹਿਣਾ ਵਾਂਗੂੰ ਵਹਿ ਗਏ ਸਾਰੇ, ਆਸ ਉਮੀਦਾਂ ਸੁੰਦਰ ਸੁਪਨੇ,   
 ਕਿਹੜਾ ਸੁਪਨਾ ਬਾਕੀ ਬਚਿਆ, ਰੋਂਦਾ ਜ਼ਾਰੋ ਜ਼ਾਰ ਨਹੀਂ ਹੈ ।
5
 ਕਿਹੜੇ ਮਣਕੇ ਨਹੀਓਂ ਟੁੱਟੇ, ਕਿਹੜੇ ਮੋਤੀ ਨਹੀਓੰ ਬਿਖਰੇ,
 ਕਿਹੜੀ ਮਾਲਾ ਨਹੀਓੰ ਟੁੱਟੀ, ਟੁੱਟਾ ਕਿਹੜਾ ਹਾਰ ਨਹੀਂ ਹੈ ।
6
 ਡੂੰਘੇ ਲੰਮੇ ਸਦਮੇ, ਸੱਲਾਂ,   ਆਹਾਂ, ਢਾਹਾਂ,  ਹੌਅਕੇ,  ਹੌਝੂ,
 ਕਿਸ ਦੇ ਸੀਨੇ ਖੁਭੀ ਏਥੇ, ਗਮ ਦੀ ਤਿੱਖੀ ਆਰ ਨਹੀਂ ਹੈ ।
7
 ਕਿਹੜਾ ਸਦਮਾ ਨਹੀਓਂ ਕਾਰੀ, ਕਿਹੜਾ ਦਰਦ ਅਪਾਰ ਨਹੀਂ ਹੈ,
 ਕਿਸ ਦੀ ਸੋਗੀ ਸੋਚ ਤੇ ਏਥੇ, ਸਦੀਆਂ ਜਿੱਡਾ ਭਾਰ ਨਹੀਂ ਹੈ ।
8
 ਕਦ ਤੱਕ ਵਗਦੇ ਰਹਿਣੇ ਹੰਝੂ, ਕਦ ਤੱਕ ਸੱਲਾਂ ਸੱਲਣਾ ਸੀਨਾ,     
 ਇਸ ਪੀੜਾ ਦੇ ਮੁੱਕਣ ਦਾ ਵੀ, ਕਿਧਰੇ ਕੋਈ ਅਸਾਰ ਨਹੀਂ ਹੈ ।
9
 ਸਾਂਭ ਸੁਆਰਨ ਬਚਦੇ ਤਿਣਕੇ, ਕਿਦੱਾਂ ਬਹੁੜੀ ਕੁੱਲ ਲੁਕਾਈ,
 ਏਸ ਜਿਹਾ ਵੀ ਏਕੇ ਦਾ ਮੈਂ, ਤੱਕਿਆ ਚਮਤਕਾਰ ਨਹੀਂ ਹੈ ।
                       
  ( ਇੰਡੋਨੇਸ਼ੀਆਂ ਵਿਖੇ 2004 ਨੂੰ ਤੇ ਹੁਣ ਜਾਪਾਨ ਵਿਖੇ ਭਿਅੰਕਰ ਤਬਾਹੀ ਹੋਈ ਹੈ। ਇਹਨਾਂ ਸਤਰਾਂ ਵਿਚ ਇਸ ਤਬਾਹੀ ਬਾਰੇ ਕੁਝ ਕਹਿਣ ਦਾ ਯਤਨ ਕੀਤਾ ਹੈ ।)

 

 ਗਿਆਨ ਸਿੰਘ ਕੋਟਲੀ ਵੈਨਕੂਵਰ     


No Comment posted
Name*
Email(Will not be published)*
Website




Can't read the image? click here to refresh

Enter the above Text*