ਕੌਮੀ ਦਰਿਆ ਸਾਂਭ ਸੰਭਾਲ ਲਈ ਚੱਲ ਰਹੇ ਰਾਸ਼ਟਰੀ ਪ੍ਰਾਜੈਕਟ ਹੇਠ ਦਰਿਆਵਾਂ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣ ਲਈ ਆਉਂਦੇ ਖਰਚੇ ਵਿੱਚ ਕੇਂਦਰ ਅਤੇ ਰਾਜਾਂ ਵੱਲੋਂ ਯੋਗਦਾਨ ਪਾਇਆ ਜਾਂਦਾ ਹੈ । ਪੰਜਾਬ ਨੂੰ ਸਤਲੁਜ ਤੇ ਬਿਆਸ ਦਰਿਆਵਾਂ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣ ਲਈ 361 ਕਰੋੜ 69 ਲੱਖ ਰੁਪਏ ਜਾਰੀ ਕੀਤੇ ਗਏ ਹਨ । ਕੇਂਦਰ ਵੱਲੋਂ ਇਹ ਰਕਮ ਪੰਜਾਬ ਸਰਕਾਰ ਵੱਲੋਂ ਨਾਮਜ਼ਦ ਕੀਤੀ ਗਈ ਸੰਸਥਾ ਪੰਜਾਬ ਵਾਟਰ ਸਪਲਾਈ ਸੀਵਰੇਜ ਬੋਰਡ ਨੂੰ ਦਿੱਤੀ ਗਈ ਹੈ । ਕੇਂਦਰ ਤੇ ਰਾਜ ਪੱਧਰ ਤੇ ਵੱਖ ਵੱਖ ਮਨਜ਼ੂਰ ਪ੍ਰਦੂਸ਼ਣ ਮੁਕਤ ਸਕੀਮਾਂ ਹੇਠ ਕੀਤੇ ਗਏ ਕਾਰਜਾਂ ਦੀ ਪ੍ਰਗਤੀ ਦਾ ਜਾਇਜ਼ਾ ਲਿਆ ਜਾਂਦਾ ਹੈ । ਇਸ ਤੋਂ ਇਲਾਵਾ ਅਜ਼ਾਦ ਸੰਸਥਾਵਾਂ ਵੱਲੋਂ ਤੀਜੀ ਧਿਰ ਵਜੋਂ ਇਸ ਪ੍ਰਗਤੀ ਦੀ ਜਾਂਚ ਵੀ ਕਰਵਾਈ ਜਾਂਦੀ ਹੈ ।
ਊਸ਼ਾ/ਨਿਰਮਲ
