ਅੰਮ੍ਰਿਤਸਰ ਵਿਕਾਸ ਮੰਚ ਦੇ ਸਰਪ੍ਰਸਤ ਡਾ. ਚਰਨਜੀਤ ਸਿੰਘ ਗੁਮਟਾਲਾ ਨੇ ਡਾਇਰੈਕਟਰ ਜਨਰਲ ਸਕੂਲ ਪ੍ਰਬੰਧ ਸ. ਕਾਹਨ ਸਿੰਘ ਪੰਨੂੰ ਦੇ ਇਸ ਬਿਆਨ ਨੂੰ ਕਿ ਉਤਰਾਖੰਡ ਵਿਚ ਉਨ•ਾਂ ਨਾਲ ਵਾਪਰੀ ਘਟਨਾ ਮਹਿਜ ਇਕ ਹਾਦਸਾ ਨਹੀਂ ਸੀ ਸਗੋਂ ਸਾਰਾ ਕੁਝ ਗਿਣੀ ਮਿਥੀ ਸਾਜ਼ਿਸ਼ ਤਹਿਤ ਹੋਇਆ ਨੂੰ ਧਿਆਨ ਵਿਚ ਰਖਦੇ ਹੋਏ, ਇਸ ਦੀ ਨਿਰਪਖ ਜਾਂਚ ਕਰਵਾਉਣ ਲਈ ਇਹ ਕੇਸ ਮਾਨਯੋਗ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਚੀਫ਼ ਜਸਟਿਸ ਨੂੰ ਸੌਂਪਣ ਦੀ ਅਪੀਲ ਕੀਤੀ ਹੈ। ਮਾਨਯੋਗ ਹਾਈਕੋਰਟ ਇਸ ਲਈ ਇਕ ਵਿਸ਼ੇਸ਼ ਟੀਮ ਦਾ ਗਠਨ ਕਰੇ ਜੋ ਸਿੱਧੀ ਮਾਨਯੋਗ ਹਾਈਕੋਰਟ ਨੂੰ ਜੁਆਬਦੇਹ ਹੋਵੇ, ਜਿਵੇਂ ਕਿ ਮਾਨਯੋਗ ਸੁਪਰੀਮ ਕੋਰਟ ਨੇ ਕੋਲਗੇਟ ਸਕੈਂਡਲ ਦੇ ਕੇਸ ਵਿਚ ਕੀਤਾ ਹੈ।ਪ੍ਰੈਸ ਨੂੰ ਜਾਰੀ ਬਿਆਨ ਵਿਚ ਗੁਮਟਾਲਾ ਨੇ ਕਿਹਾ ਕਿ ਪਿਛਲਾ ਇਤਿਹਾਸ ਦਸਦਾ ਹੈ ਕਿ ਜਿਸ ਕੇਸ ਵਿਚ ਉਚ–ਕੋਟੀ ਦੇ ਸਿਆਸਤਦਾਨ ਜਾਂ ਅਧਿਕਾਰੀ ਦੀ ਸ਼ਮੂਲੀਅਤ ਹੋਵੇ ਉਸ ਦੀ ਪੜਤਾਲ ਬੇ– ਸਿੱਟਾ ਰਹੀ।ਸਿਆਸਦਾਨਾਂ ਦੀ ਥਾਂ ‘ਤੇ ਕਿਸੇ ਹੋਰ ਨੂੰ ਬਲੀ ਦਾ ਬਕਰਾ ਬਣਾ ਲਿਆ ਜਾਂਦਾ ਹੈ।ਮੁਖ– ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਇਸ ਕੇਸ ਦੀ ਪੜਤਾਲ ਕਰਾਉਣਾ ਸ਼ਲਾਘਾਯੋਗ ਹੈ ਪਰ ਜੇ ਵਾਕਿਆ ਹੀ ਬਾਦਲ ਸਾਹਿਬ ਨਿਰਪਖ ਜਾਂਚ ਚਾਹੁੰਦੇ ਹਨ, ਤਾਂ ਉਨ•ਾਂ ਨੂੰ ਇਹ ਕੇਸ ਹਾਈਕੋਰਟ ਨੂੰ ਸੌਂਪ ਦੇਣਾ ਚਾਹੀਦਾ ਹੈ। ਯਾਦ ਰਹਿ ਕਿ ਸ੍ਰੀ ਅਸ਼ਵਨੀ ਕੁਮਾਰ ਨੂੰ ਬਤੌਰ ਕਾਨੂੰਨ ਮੰਤਰੀ ਇਸ ਲਈ ਅਸਤੀਫ਼ਾ ਦੇਣਾ ਪਿਆ ਸੀ ਕਿਉਂਕਿ ਉਨ•ਾਂ ਨੇ ਕੋਲਗੇਟ ਸਕੈਮ ਵਿਚ ਕਥਿਤ ਤੌਰ ‘ਤੇ ਸੀ ਬੀ ਆਈ ਦੇ ਕੰਮ ਵਿਚ ਦਖ਼ਲ ਅੰਦਾਜੀ ਕੀਤੀ ਸੀ।
