ਗੁਰਦਾਸਪੁਰ 22 ਅਗਸਤ(ਭਾਰਤ ਸੰਦੇਸ਼ ) – ਮੁੱਖ ਚੋਣ ਕਮਿਸ਼ਨ ਭਾਰਤ ਸਰਕਾਰ ਵਲੋ ਯੋਗਤਾ ਮਿਤੀ 1 ਜਨਵਰੀ 2014 ਦੇ ਅਧਾਰ ਤੇ ਫੋਟੋ ਵੋਟਰ ਸੂਚੀਆ ਦੀ ਸੁਧਾਈ ਦਾ ਪ੍ਰੋਗਰਾਮ ਜਾਰੀ ਕੀਤਾ ਗਿਆ ਹੈ । ਇਹ ਜਾਣਕਾਰੀ ਡਿਪਟੀ ਕਮਿਸ਼ਨਰ ਡਾ ਅਭਿਨਵ ਤ੍ਰਿਖਾ ਕਮ- ਜਿਲਾ ਚੋਣ ਅਫਸਰ ਗੁਰਦਾਸਪੁਰ ਵਲੋ ਅੱਜ ਵੋਟਰ ਸੂਚੀਆ ਦੀ ਸੁਧਾਈ ਦੇ ਉਲੀਕੇ ਪ੍ਰੋਗਰਾਮ ਨੂੰ ਚੋਣ ਕਮਿਸ਼ਨ ਦੀਆਂ ਹਦਾਇਤਾ ਅਨੁਸਾਰ ਮੁਕਮੰਲ ਕਰਨ ਲਈ ਜਿਲੇ ਦੇ ਸਮੂਹ ਚੋਣ ਅਧਿਕਾਰੀਆ , ਰਾਜਸੀ ਪਾਰਟੀਆ ਦੇ ਜਿਲਾ ਪ੍ਰਧਾਨਾ ਅਤੇ ਸੱਕਤਰਾਂ ਦੀ ਆਪਣੇ ਸਥਾਨਿਕ ਦਫਤਰ ਵਿਖੇ ਆਯੋਜਿਤ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆ ਦਿੱਤੀ । ਇਸ ਮੌਕੇ ਸ੍ਰੀ ਪਰਸੋਤਮ ਸਿੰਘ ਸੋਢੀ ਵਧੀਕ ਜਿਲਾ ਚੋਣ ਅਫਸਰ , ਸ੍ਰੀ ਤੇਜਿੰਦਰ ਪਾਲ ਸਿੰਘ ਸੰਧੂ ਐਸ ਡੀ ਐਮ ਗੁਰਦਾਸਪੁਰ , ਸ੍ਰੀ ਜਗਵਿੰਦਰਜੀਤ ਸਿੰਘ ਗਰੇਵਾਲ ਐਸ ਡੀ ਐਮ ਬਟਾਲਾ ਮੇਜਰ ਡਾ ਅਮਿੰਤ ਮਹਾਜਨ ਜੀ ਏ ਟੂ ਡਿਪਟੀ ਕਮਿਸ਼ਨਰ ,ਤਹਿਸੀਲਦਾਰ ਚੋਣਾ , ਸ੍ਰੀ ਪੀ ਐਸ ਪਰਮਾਰ ਸਹਾਇਕ ਆਬਕਾਰੀ ਤੇ ਕਰ ਕਮਿਸ਼ਨਰ , ਸ੍ਰ ਬਲਰਾਜ ਸਿੰਘ ਡੀ ਡੀ ਪੀ ਉ ਤੋ ਇਲਾਵਾ ਸਮੂਹ ਸਹਾਇਕ ਚੋਣਕਾਰ ਰਜਿਸਟੇਰਸ਼ਨ ਅਫਸਰ ਵੀ ਹਾਜਰ ਸਨ ।
ਡਾ ਤ੍ਰਿਖਾ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਜਾਣਕਾਰੀ ਦੇਦਿਆ ਕਿਹਾ ਕਿ ਮਿਤੀ 6 ਸਤਬੰਰ 2013 ਨੂੰ ਡਰਾਫਟ ਵੋਟਰ ਸੂਚੀ ਦੀ ਮੁਢੱਲੀ ਪਰਕਾਸ਼ਨਾ ਕਰਵਾਈ ਜਾਵੇਗੀ ਅਤੇ ਮਿਤੀ 6 ਸਤਬੰਰ 2013 ਤੋ 4 ਅਕਤੂਬਰ 2013 ਤੱਕ ਆਮ ਜਨਤਾ / ਵੋਟਰਾਂ ਪਾਸੋ ਦਾਅਵੇ / ਇਤਰਾਜ ਫਾਰਮ ਨੰਬਰ 6, 7, 8, ਅਤੇ 8 ਏ ਪ੍ਰਾਪਤ ਕੀਤੇ ਜਾਣਗੇ ਅਤੇ ਮਿਤੀ 15 –9-2013 ਸਤਬੰਰ ਐਤਵਾਰ 22 ਸਤੰਬਰ 2013 ਐਤਵਾਰ , 29 ਸਤੰਬਰ 2013 ਐਤਵਾਰ ਨੂੰ ਦਾਅਵੇ / ਇਤਰਾਜ ਪ੍ਰਾਪਤ ਕਰਨ ਲਈ ਵਿਸੇਸ਼ ਮੁਹਿੰਮ ਚਲਾਈ ਜਾਵੇਗੀ । ਜਿਸ ਵਿਚ ਬੂਥ ਲੈਵਲ ਅਫਸਰ ਪੋਲਿੰਗ ਸਟੇਸ਼ਨਾ ਤੇ ਆਮ ਜਨਤਾ / ਵੋਟਰਾਂ ਕੋਲੌ ਦਾਅਵੇ / ਇੰਤਰਾਜ ਪ੍ਰਾਪਤ ਕਰਨਗੇ ਅਤੇ ਇਸੇ ਤਰਾਂ ਮਿਤੀ 8 ਨਵਬੰਰ 2013 ਤੋ 10 ਦਸਬੰਰ 2013 ਤੱਕ ਦਾਅਵੇ / ਇੰਤਰਾਜਾਂ ਦਾ ਨਿਪਟਾਰਾ ਕਰਕੇ ਵੋਟਰ ਸੂਚੀ ਦੀ ਮਾਰਕਡ ਕਾਪੀ ਤਿਆਰ ਕੀਤੀ ਜਾਵੇਗੀ ਅਤੇ ਵੋਟਰ ਸੂਚੀ ਦੀ ਆਤਿੰਮ ਪਰਕਾਸ਼ਨਾ 6 ਜਨਵਰੀ 2014 ਨੂੰ ਕਰਵਾਈ ਜਾਵੇਗੀ । ਜਿਲਾ ਚੋਣ ਅਧਿਕਾਰੀ ਵਲੋ ਸਮੂਹ ਨਾਗਰਿਕਾਂ ਨੂੰ ਅਪੀਲ ਕੀਤੀ ਗਈ ਕਿ ਜਿੰਨਾ ਵਿਆਕਤੀਆ ਦੀ ਉਮਾਰ 18 ਸਾਲ ਜਾਂ ਇਸ ਤੋ ਵੱਧ ਬਣਦੀ ਹੈ ਆਪਣੀ ਵੋਟ ਬਣਾ ਸਕਦੇ ਹਾਨ । ਉਨਾ Ñਨੇ ਨੋਜਵਾਨਾ ਲੜਕੇ ਲੜਕੀਆ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਵੋਟ ਜਰੂਰ ਬਣਾਉਣ ਅਤੇ ਆਪਣੇ ਵੋਟ ਅਧਿਕਾਰ ਦਾ ਇਸਤੇਮਾਲ ਜਰੂਰ ਕਰਨ । ਇਸ ਮੌਕੇ ਤੇ ਭਾਰਤੀ ਜਨਤਾ ਪਾਰਟੀ ਦੇ ਬਟਾਲਾ ਜਿਲਾ ਪ੍ਰਧਾਨ ਸ੍ਰੀ ਸੁਰੇਸ਼ ਭਾਟੀਆ , ਸ੍ਰੀ ਰਮੇਸ਼ ਸ਼ਰਮਾਂ ਜਿਲਾ ਪ੍ਰਧਾਨ ਭਾਜਪਾ ਗੁਰਦਾਸਪੁਰ , ਸ੍ਰੀ ਵਿਜੈ ਵਰਮਾ ਸ਼ੋਮਣੀ ਅਕਾਲੀ ਦਲ ਦੇ ਸ੍ਰੀ ਕਰਤਾਰ ਸਿੰਘ , ਸੀ ਪੀ ਆਈ ਐਮ ਦੇ ਜਿਲਾ ਕੋਆਰਡੀਨੈਟਰ ਸ੍ਰੀ ਦਲਜੀਤ ਸਿੰਘ ਵੀ ਮੀਟਿੰਗ ਵਿਚ ਸ਼ਾਮਲ ਹੋਏ ।
ਫੋਟੌ ਕੈਪਸ਼ਨ – ਡਾ ਅਭਿਨਵ ਤ੍ਰਿਖਾ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਕਮ – ਜਿਲਾ ਚੋਣ ਅਫਸਰ ਵੋਟਰ ਸੂਚੀਆ ਦੀ ਸੁਧਾਈ ਸਬੰਧੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ।
